大家姐既手信提一提起，想輕輕分享一下關於花地瑪聖母同玫瑰月既事。
聖母一般係天主教會有比較崇高既地位，係其他基督支派唔會咁emphasize既人物。(更正：431年大公會議已確立天主之母的地位，1495年先承認敬拜聖母既玫瑰經，但係部份新教宗派唔認同中保聖人的教義) 其原型就係耶穌個呀媽，而耶穌個呀媽係有超過二十個唔同既稱號，比起中國既皇帝還要厲害。
【預視一戰完結的一季六集顯現】
相傳聖母係1917年（一戰期間）係葡萄牙既花地瑪（里斯本再北少少既一個地方）顯現過六次。你無睇錯，係分左6集，由1917年5月13號起連續六個月既13號，同一個時辰同一個地方。所以，第六次即係最後一次顯現，Exactly就係102年前既今日。
佢第一次顯現比3個牧童見，叫佢地黎緊6個月都同一日子時間返黎搵佢，同埋唸多啲經。「你們要天天唸玫瑰經；特別為大戰結束，實現世界和平，多多唸玫瑰經。」下個月，佢有同其中一個女仔講佢遲下會帶走另外果兩個表兄妹，你就要留耐少少做埋交託比佢既事先走。結果另外果兩個後來係1919同20年就因流感仙遊，而個女仔做左修女，一直侍奉到2005年先魂歸天國，享年97。
係第六次顯現既時候，聖母說：大戰快要結束，請眾人在這地方建一座小堂，繼續唸玫瑰經。罪人應該及早改過，不要再繼續得罪天主。當時係1917年10月，都算係一戰時期既轉捩點時段 － 其一係美軍7月開始到歐洲，10月開始慢慢加入戰鬥，其二係英軍開始主要攻勢。最後一戰係1918年11月打完。
【反共的聖母】
花地瑪聖母當時仲講左三個預言。其中最出名既係第二個：
//…人們若不停止冒犯天主，更糟的一個會在庇護十一世的任內發生。當你見到夜晚被不知名的光所照亮，這就是天主將因罪惡懲罰世界的重大徵兆，方式是戰爭、饑荒和對教會與教宗的迫害。為了避免此事，我請求俄國對我的無玷之心的奉獻，和首星期六的補贖聖餐。若遵從我的要求，俄國將會改信，並且會有和平，若不，她會將她的錯誤散佈到世界，導致戰爭和對教會的迫害，善人將殉難，教宗將受許多苦難，多個國家會被消滅。最終，我的無玷之心將得勝，教宗會將俄國奉獻給我，她已改信，然後世界會獲得一段時間的和平。//
庇護十一世任內即係1922–1939年，二戰大概就係末段爆發，雖然有人計1939年9月入侵波蘭先開始，但係都已經蘊釀左一排。
而更有趣既係關於俄國同共產主義既論述，令好多人將花地瑪聖母扣到反共上，可以話係念力抗共既前輩（正確啲講叫做祈願和平），例如”Blue army of Our Lady of Fatima”就係其中一個衍生組織。
1984年3月25日，教宗若望·保祿二世聯合全世界的主教把全世界奉獻給聖母無玷聖心，後來教廷在官方網站表明露希亞·桑托斯修女已經確認聖母要求的奉獻已在1984年完成。[1]
同年，蘇共中央總書記安德羅波夫去世。其生前曾表示希望戈巴卓夫來繼任總書記一職。然而，繼任者卻是高齡且已重病的契爾年科。很快，這位新任的總書記在下一年又去世了。此時，黨內已開始迫切需要一名年輕的領導。1985年3月11日，僅在契爾年科死後三個小時，戈巴卓夫被選為蘇聯共產黨中央委員會總書記。此時戈巴卓夫僅有54歲，還是當時政治局裏最年輕的成員。他也是首位在前次競爭失敗後成功當選的黨內領導人。[2]
戈巴卓夫，又叫戈爾巴喬夫，任內推行改革開放，促成1991年蘇聯解體。
所以講笑咁講，以上除左有反共既意味外可以話係美軍來了我帶路既感覺添。
[1] ref:
wiki — 花地瑪的三個秘密
https://zh.wikipedia.org/…/%E6%B3%95%E8%92%82%E7%91%AA%E7%9…
[2] ref:
wiki — 蘇聯解體
https://zh.wikipedia.org/…/%E8%8B%8F%E8%81%94%E8%A7%A3%E4%B…
